Leef Bócheser- en anger Vasteloavendsjikke,
Ing van de sjunste tsiete van mie leave leuft helaas op z’n ing. Boh, wat woar ut sjiek, en Boh, wat hant vuur inge energie dri jeduijt. Mer nog veul sjieker woar dat vur u fantastisch gruupje bijee woare die nit alling afzonderlijk jaas jove mer ziech ongeree versterkete en de vasteloavend i Boches, mer och doa boese, hant oesjedrage. Jeugdprinses Lieve, Jeugdprins Coen en Koempel en Keiridder Marc, dankjewel vuur alles! Toppers zut uur, mer óch alle luu die mit os mit zunt jetrokke en tsezame de sjunste tsiet mit os hant beleaft. Va minuut 1 bis noen han iech ut Prinsesjap va mie Boches optimaal injevuld en beleafd. Wie iech oes de kluis sjproong op d’r 13e jannewaar 2024 wos iech waal dat ut sjiek joong weade, mer nit dat alles zoe op zieng plaatsj vool. Ut woar jeweun besser wie dat!
Iech wil mich da och jeer bedanke bij d’r verein, natuurlich bij mie gezin en familie, bij mieng vrung, bij de wieëte in durp, alle vereins die vasteloavend oes draage, mer vuural bij uuch: de Bócheser luu die ós durpje jroeës hoade. Iech hof uuch allenuj tse zieë op zamstig d’r 11e en/of zondig d’r 12e jannewaar wen ós nuj hoegheede jepresenteerd weade, want die zalle dat besjtimt juus e zoeë sjiek vinge wie vier. Iech wil miech da heijbij verabsjiede mit u donnerend en dreijkreftig;
