Leef luuij va Bóches,
Entlich moag iech mich vuursjtelle wie Jeugdprins Wess I. Dis joar mit de vasteloavend regeer ich mit mienge scepter, tsezaame mit mieng Jeugdprinses Liene I uvver os sjun durpje Bóches.
Iech, Jeugdprins Wess I, bin 12 joar oad en woeën saame mit mienge pap Jeroen, mam Simone en ozze honk Pelle in de Margrietsjtroas. Iech zits in de brugklas vaan ut Trevianum i Sittard.
In 2020 woar iech al jeugdprins va Sportcloeb’25, dat vong ich zoe sjun, dat iech vanaaf toen jedreumd han um och nog ins Jeugdprins va Bóches tse wille weade. En dizze dreum kunt dis joar oes.
Beij Sportcloeb ’25 bin ich mit 4 joar bejonne mit foesballe. Huij-tse-daags bin iech keeper beij Fortuna Sittard op de JO-13. Keepen is da och mienge gruutste hobby.
Carnaval viere zits och beij os in de familie. Vuur loofe jiddes joar mit in d’r optsog mit dea sjunne groep va Sportcloeb’25.
Tsezaame mit Jeugdprinses Liene I wil iech mit alle luij va Bóches d’r ing carnaval va maache die vuur nooit zalle én kinne verjease.
Bóches alaaf!
Jruss Jeugdprins Wess I
